Saluton,
ekde hieraŭ validas la nova fervoja horaro, kaj kadre de tio ĉe la germana fervojo (Deutsche Bahn) reenkondukiĝis la bileto "Quer-durchs-Land-Ticket", kiu pasintfoje savis la el-JES-an karavanon ;-)
Temas pri bileto, kiu ebligas al unu persono aŭ grupo de maksimume 5 personoj vojaĝi tra tuta Germanio per regionaj trajnoj dum unu labortago (por vojaĝo sabate aŭ dimanĉe uzu la bileton Schönes-Wochenende-Ticket). Tio povas utili jam al homoj, kiuj vojaĝos al JES la 27-an de decembro (kiu estas lundo), eventuale reirados maljam la 3-an de januaro (kiu estas lundo). Kompreneble tio vere indas nur por homoj kiuj venas de la okcidento aŭ sudokcidento (eblete la nordo), ĉar por veni el Pollando aŭ Ĉeĥio aliaj pli etaj biletoj pli taŭgas.
La kondiĉojn oni priskribas interalie tie (germanlingve): http://www.spiegel.de/reise/aktuell/0,1518,730940,00.html
Resume: Unu persono pagas 42 €, ĉiu plia aldone 6 eŭrojn. Maksimume povas kunvojaĝi 5 personoj, kiuj do pagos sume 42+4*6 = 66 €, do po 13,20 € por persono. Se vi vojaĝos semajnfine, tiam kun Schönes-Wochenende-Ticket la vojaĝo kostos 39 €, do kvinope po 7,80 € por persono. <br>
Agrablan vojaĝon al JES!
Marek